Veðrið spilaði stórt hlutverk á samfélagsmiðlum um helgina sem og í raunheimum. Sunneva Eir Einarsdóttir áhrifavaldur lét ekki kuldann á sig fá og fór út í magabol þó það væru -11 gráður. Guðmundur Birkir Pálmason, kírópraktor og tískumógúll, klæddi kuldann af sér.
Guðmundur Birkir Pálmason þarf ekki að kvíða kuldanum því hann á súperhlýja úlpu frá Prada. Þetta ítalska tískumerki veit hvernig best er að verjast kuladanum í ölpunum sem er stundum svipað og henni Reykjavík eða honum Kópavogi.
Hilda Michelsen er komin í jólaskap með öllu sínu fólki. Á myndinni er eiginmaður og börn í bullandi jólagír.
Helga Margrét áhrifavaldur og lögfræðinemi kláraði prófin og hótar því að fagna þessum próflökum fram í janúar. Hún má alveg gera það, bara svo framarlega sem hún lofar að halda áfram að vera flottust!
Sunneva Eir Einarsdóttir áhrifavaldur er líklega heitfengasta manneskja Íslands ef marka má klæðaburð hennar í frostinu. Það dugði ekkert minna en fleginn magabolur fyrir hana!
Jóhanna Helga Jensdóttir áhrifavaldur skartaði sínu fegursta með fjöðrum og allt og lét kuldann ekki hafa nein áhrif á sig. Ekki frekar en hennar besta vinkona, Sunneva Eir!
Íslendingar geta allt. Líka grillað þótt grillið sé inni í metersskafli. Gulli Helga fjölmiðlamaður lét snjóinn ekki stoppa sig og grillaði.
Andrea Magnúsdóttir fatahönnuður og bloggari á Trendnet.is klæddi sig upp á í glitrandi gullkjól þegar hún heimsótti Óperuhúsið í París.
Förðunarfræðingurinn Heiðdís Rós Reynisdóttir hvetur fylgjendur sína til að vera stjörnuna í eigin sýningu.
Sara Lind Pálsdóttir, oft kennd við Júník, er komin til Curaçao í Karíbahafi og nýtur lífsins.
Viðskiptafræðingurinn og skóhönnuðurinn Andrea Röfn Jónasdóttir skellti sér til Tenerife með fjölskylduna. Hún virðist ánægð með eyjuna fögru.
Sjónvarpsstjarnan Berglind Festival Pétursdóttir kann að klæða sig eftir veðri.
TikTok-stjarnan Brynhildur Gunnlaugsdóttir birti mynd af sér á sundfötunum og uppskar yfir 12 þúsund læk.
Crossfit-stjarnan Sara Sigmundsdóttir skellti sér í fallhlífastökk í Dúbaí. Af myndum að dæma skemmti hún sér konunglega.
Áhrifavaldurinn og fasteignasalinn, Hrefna Daníelsdóttir, mætti í trylltum kjól á hótel Hilton um helgina.
Förðunarfræðingurinn og áhrifavaldurinn, Fanney Dóra Veigarsdóttir, og dóttir hennar voru flottar í náttfötum í stíl.
Ljósmyndarinn og áhrifavaldurinn, Ína María Norðfjörð, átti notalega stund með fjölskyldu sinni í Vilníus í Litháen.
Einkaþjálfarinn og sálfræðineminn, Telma Fanney Magnúsdóttir, var glæsileg með flotta hátíðarförðun í Make Up Studio Hörpu Kára.
Fótboltakonan fyrrverandi Hallbera Gísladóttir mætti með kærasta sínum, fótboltamanninum Lukas Arndt, brúðkaup í írskum kastala um helgina.