Brúðkaup ársins 2022!

Sjaldan hafa fleiri hjón gengið í það heilaga en árið 2022! Margir voru tvíbókaðir í brúðkaupsveislur í sumar í sitthvorum landshlutanum. Ef fólk var ekki mætt fyrir utan Fríkirkjuna með veifur í hendinni klukkan fjögur á laugardögum var það líklega á Spáni eða Ítalíu að fagna ástinni með góðum vinum. 

Ilmur í Ásbyrgi

Leik­kon­an Ilm­ur Kristjáns­dótt­ir og kvik­mynda­fram­leiðand­inn Magnús Viðar Sig­urðsson gengu í hjóna­band í Ásbyrgi undir berum himni í júlí. Séra Hjalti Jón Sverris­son gaf hjónin sam­an. Á meðal gesta voru helstu stjörn­ur þessa lands.

Enginn skítamórall eftir tilraun fjögur

Tón­listamaður­inn Gunn­ar Ólason, bet­ur þekkt­ur sem Gunni Óla í Skíta­móral, og Rakel Fjeld­sted gengu í hjóna­band í júlí. Þetta var fjórða til­raun þeirra til að ganga í það heil­aga en heims­far­ald­ur­inn kom alltaf í veg fyr­ir brúðkaup­. 

Brúðkaupið er okkar!

Tón­list­armaður­inn Emm­sjé Gauti, eða Gauti Þeyr Más­son, og Jov­ana Schully voru gef­in sam­an í Frí­kirkj­unni í Reykja­vík sama dag og Gleðigangan fór fram. Veislan fór fram í Sjáland og var að sjálfsögðu hin glæsilegasta. 

Edda og Rikki giftu sig á Ítalíu

Edda Her­manns­dótt­ir markaðsstjóri Íslands­banka og Rík­h­arður Daðason fjár­fest­ir gengu í hjóna­band í ágúst. Parið byrjaði að hitt­ast 2017 og því var kom­in ágæt­is ­reynsla á sam­bandið þegar hann bað henn­ar óvænt ári seinna í brúðkaupi Ragn­hild­ar Stein­unn­ar Jóns­dótt­ur sjón­varps­konu og Hauks Inga Guðna­son­ar sál­fræðing­s. 

Grísk gleði

Rakel Hlín Bergs­dótt­ir, eig­andi Snúr­unn­ar, og eig­inmaður henn­ar Andri Gunn­ars­son lögmaður gengu í hjónaband í Grikklandi í sumar. Skreytingar voru með glæsilegasta móti eins og Rakel er einni lagið enda rekur hún eina flottustu hönnunarbúð landsins. 

Ágúst og Jóhanna héldu brúðkaupsveisluna heima

Ágúst Ólaf­ur Ágústs­son, fyrr­ver­andi þingmaður Sam­fylk­ing­ar­inn­ar, og Jó­hanna Bryn­dís Bjarna­dótt­ir tann­lækn­ir gengu í hjóna­band á menningarnótt í Seltjarnaneskirkju. Eftir athöfnina var slegið upp veislu á heimili hjónanna á Fornuströnd á Seltjarnarnesi. 

Hrafn Jökulsson og Oddný gengu í hjónband

Rit­höf­und­ur­inn og bar­áttumaður­inn Hrafn Jök­uls­son og Odd­ný Hall­dórs­dótt­ir gengu í hjónaband hinn 22. ág­úst síðastliðinn. Hrafn glím­di við illvígt krabbamein og lést í september. 

Rithöfundar létu pússa sig saman

Jón Kalm­an Stef­áns­son og Sig­ríður Hagalín Björns­dótt­ur gengu í hjónaband. Þau létu pússa sig sam­an í lok ágúst og var því fagnað af öllu hjarta í Iðnó við Tjörn­ina. 

Boltabrúðkaup á Spáni

Fót­boltamaður­inn Jó­hann Berg Guðmunds­son og lög­fræðing­ur­inn Hólm­fríður Björns­dótt­ir gengu í hjóna­band 16. júní. Brúðkaupið fór fram á Alican­te-svæðinu á Spáni. Ís­lensk­um skemmti­kröft­um var flogið út. Emm­sjé Gauti skemmti í veisl­unni ásamt Herra hnetu­smjöri en það kom í hlut Sóla Hólm að vera veislu­stjóri í brúðkaup­inu. Eyj­ólf­ur Kristjáns­son tók einnig lagið eins og hon­um ein­um er lagið. 

Loksins gift eftir 15 ára samband

Leik­ar­inn og skemmtikraft­ur­inn Pét­ur Jó­hann Sig­fús­son og Sigrún Hall­dórs­dótt­ir gengu í hjóna­band í október. Parið hef­ur verið sam­an í fimmtán ár. Parið gekk í það heil­aga í Garðakirkju á Álfta­nesi. Pét­ur Jó­hann og Sigrún eiga einn son sam­an, en hvort um sig á dótt­ur úr fyrra sam­bandi.

Veislan fór fram í búðinni

Krist­ín Rut Jóns­dótt­ir og Úlfar Fin­sen, eig­end­ur hús­gagna­versl­un­ar­inn­ar Mód­ern, giftu sig hinn 4. júní síðastliðinn við fal­lega at­höfn í Dóm­kirkj­unni í Reykja­vík. Að at­höfn­inni lok­inni mættu gest­irn­ir í versl­un þeirra í Skeif­unni sem hafði verið breytt í töfr­andi brúðkaupssal þar sem dansað var fram á rauðanótt.

Draumabrúðkaup Berglindar Icey og Arnar

Örn Kjart­ans­son og Berg­lind Ólafs­dótt­ir, eða Berg­lind Icey eins og hún er kölluð, gengu í hjóna­band í lok ágúst. Í staðinn fyrir gjafir gátu gest­ir lagt fram­lag í sjóð til styrkt­ar pör­um sem þurfa aðstoð við fjár­mögn­un á gla­sa­frjóvg­un en sjálf hafa þau reynslu af slíku. 

Ameríski draumurinn hjá Brynju Scheving og Þorsteini

Þor­steinn Hall­dórs­son, þjálf­ari kvenna­landliðs Íslands, og Brynja Scheving, skóla­stjóri í Ball­ett­skóla Eddu Scheving, gengu í hjóna­band í Las Vegas í Banda­ríkj­un­um í desember. 

Fannar og Vala létu pússa sig saman

Leik­stjór­inn Fann­ar Sveins­son og hjúkr­un­ar­fræðing­ur­inn Val­gerður Kristjáns­dótt­ir fögnuðu tíu ára sambandsafmæli í vetur. Fullkomin tími til að ganga í hjónaband!

Stjörnubrúðkaup í Hörpu

Hörður Ægis­son einn af stofn­end­um Inn­herja á Vísi.is og Hild­ur Þór­ar­ins­dótt­ir lögmaður á Jur­is gengu í hjóna­band í vor. Parið gekk í heil­agt hjóna­band í Dóm­kirkj­unni en svo var haldið yfir í Hörpu þar sem veislu­höld fóru fram.

Giftir eftir 19 ára samband

Hár­greiðslu­meist­ar­arn­ir Daní­el Örn Hinriks­son og Svavar Örn Svavars­son gengu í hjóna­band í Kópa­vogs­kirkju eft­ir að hafa verið kær­ustupar í 19 ár. Fé­lag­arn­ir reka hár­greiðslu­stof­una Senter við Tryggvagötu en hafa auk þess unnið tölu­vert í fjöl­miðlum. 

Stjörnukynfræðingur gekk í hjónaband

Kyn­fræðing­ur­inn Sig­ríður Dögg Arn­ar­dótt­ir, bet­ur þekkt sem Sigga Dögg, og Sæv­ar Eyj­ólfs­son gengu í hjóna­band í The High Lane í New York í Banda­ríkj­un­um í maí. Þau héldu skemmtilega veislu á Íslandi í sumar. 

Helgi Seljan kvæntist eftir langa trúlofun

Katrín Rut Bessa­dótt­ir, verk­efna­stjóri í Há­skól­an­um í Reykja­vík, og Helgi Selj­an fjölmiðlamaður gengu í hjónaband í ár eftir langa trúlofun. Parið lét pússa sig sam­an hjá Sýslu­manni og fögnuðu svo með vin­um og fjöl­skyldu.

Jón Gunnar Geirdal kvæntist ástinni

Jón Gunn­ar Geir­dal og Fjóla Katrín Steins­dótt­ir gengu í hjóna­band í september. Eft­ir at­höfn­ina héldu ný­bökuðu hjón­in upp á ráðahag­inn í Sam­skipa­höll­inni í Kópa­vogi. 

Fullkomin byrjun á fullkomnu ári

Katrín Edda Þorsteinsdóttir, verkfræðingur og áhrifavaldur, gekk í hjónaband með hinum þýska Markúsi í byrjun árs. Árið hefur verið frábært fyrir hjónin en í desember eignuðust þau sitt fyrsta barn. 

Kona ársins 2021 gekk í það heilaga

Rúna Sif Rafns­dótt­ir og eig­inmaður henn­ar Jónatan Guðbrands­son giftu sig þann 26. ág­úst síðastliðinn á Tálknafirði. Dag­setn­ing skip­ar stór­an sess í hjört­um þeirra og margra annarra en akkúrat ári fyrr gaf Rúna Eldi Elí, syni vin­konu sinn­ar, hluta af lifr­inni úr sér.

Matarbloggari gekk í hjónaband

Linda Bene­dikts­dótt­ir gekk að eiga Ragn­ar Ein­ars­son á Ítal­íu í september. Linda er einn vin­sæl­asti mat­ar­blogg­ari lands­ins. Linda og Ragn­ar hafa verið sam­an í 13 ár og sex ár eru síðan þau trú­lofuðu sig. Fyrr á þessu ári ákváðu þau svo að láta verða af því að gifta sig og skipu­lögðu glæsi­legt brúðkaup á Ítal­íu. Sam­an eiga þau tvö börn.

Skemmtilegasta par landsins gifti sig

Fjöl­miðlakon­an Vikt­oría Her­manns­dótt­ir og skemmtikraft­ur­inn Sól­mund­ur Hólm Sól­mund­ar­son gengu í það í heilaga í september. Hjónin eiga samtals fimm börn og hafa verið dugleg að gera upp hús svo það var ekkert annað eftir en að innsigla sambandið með hjónabandi.