Ásdís Rán verður í hlutverki hjákonu auðugs manns

Ásdís Rán Gunnarsdóttir er á leið til Búlgaríu til þess …
Ásdís Rán Gunnarsdóttir er á leið til Búlgaríu til þess að leika í bíómynd. Ljósmynd/Momchil Hristov

Ásdís Rán Gunnarsdóttir mun fara með eitt af aðalhlutverkunum í nýjustu mynd Lorenzo Faccenda sem er ítalskur leikstjóri. Myndin verður tekin upp í Búlgaríu og er Ásdís Rán á leið út í tökur. Hún var ráðin í verkefnið í gegnum umboðsmann sinn í Sofíu í Búlgaríu. Ásdís Rán hefur leikið nokkur aukahlutverk í gegnum tíðina en þetta er fyrsta skipti sem hún er í aðalhlutverki í kvikmynd og það sé stórt skref. 

„Ég fékk draumahlutverk. Ég leik hjákonu auðugs manns og ræð mann til þess að drepa konuna hans. Myndin er tekin upp á ensku og fara tökur fram í Búlgaríu en myndin á að gerast í Evrópskri stórborg. Tökur hefjast í byrjun apríl en ég fer út í næstu viku,“ segir Ásdís Rán í samtali við Smartland og játar að hún sé spennt fyrir þessu hlutverki. 

„Ég á eflaust ekki erfitt með að setja mig í þetta hlutverk,“ segir hún og hlær og bætir við: 

„Það væri miklu erfiðara fyrir mig að leika bókasafnsvörð.“

Nú, hvernig þá?

„Það er auðvelt fyrir mig að setja mig í „fansy glamúrhlutverk“ því ég hef góða reynslu af því í gegnum auglýsingar og myndatökur,“ segir Ásdís Rán og er þá að vísa í fyrirsætuferil sinn en hún var 14 ára þegar hún sat fyrir í fyrsta skipti. 

Ljósmynd/Momchil Hristov

Hvernig hefur þú undirbúið þig fyrir hlutverkið?

„Ég er að dunda mér í handritinu núna. Læra söguþráðinn og textana mína. Þetta kom bara inn á borð fyrir um mánuði þannig að ég hef ekki mjög mikinn tíma til að undirbúa mig.“

Ásdís Rán segir að kvikmyndaiðnaðurinn í Búlgaríu sé stór. 

„Það er mikið af Evrópskum myndum og líka amerískum teknar upp á þessum slóðum. Þeir eru með nokkur risa kvikmyndaver og frábærar aðstöður í Búlgaríu,“ segir hún. 

Ásdís Rán heldur úti hlaðvarpsþættinum Krassandi konur en hann verður í pásu á meðan hún fer með hlutverk brjáluðu hjákonunnar í Búlgaríu. 

Ljósmynd/Momchil Hristov
mbl.is
Fleira áhugavert
Fleira áhugavert

Spurt og svarað

húðlæknir á Húðlæknastöðinni svarar spurningum lesenda

sálfræðingur á Sálfræðistofunni Sálarlíf svarar spurningum lesenda

einstaklings- og fjölskylduráðgjafi svarar spurningum lesenda

Klínískur félagsráðgjafi hjá Lausninni

hjúkrunar- og kynfræðingur svarar spurningum lesenda

svarar spurningum um lögfræðileg mál