Alexandra Helga mætt aftur á Instagram
Alexandra Helga Ívarsdóttir, einkaþjálfari og eigandi fyrirtækisins Móa&Mía ehf., hætti á félagsmiðlinum Instagram þegar eiginmaður hennar, Gylfi Þór Sigurðsson, fótboltamaður var sakaður um kynferðisbrot í Bretlandi fyrir um tveimur árum. Eftir að í ljós kom að hann yrði ekki ákærður og máli hans vísað frá opnaði Alexandra Helga Instagram-reikning sinn aftur.
Alexandra Helga rekur verslunina Móa&Mía ásamt Móeiði Lárusdóttur.
„Það hefur verið draumur hjá okkur vinkonunum í nokkur ár að opna saman barnabúð. Við höfum alla tíð haft áhuga á tísku og hönnun og þegar við eignuðumst stelpurnar okkar Matteu Móu og Melrós Míu með árs millibili fórum við mikið að spá í barnavörum. Við höfum báðar búið erlendis um árabil og kynnst ýmsum barnavörumerkjum sem okkur langaði að kynna á Íslandi. Öll vörumerkin eru vandlega valin með gæði og þægindi í fyrirrúmi fyrir bæði börn og foreldra.
Nú er draumurinn orðinn að veruleika og við erum ótrúlega þakklátar fyrir frábærar viðtökur. Vonum við að þið elskið vörurnar jafn mikið og við!
Hlökkum til að bæta við stækkandi vöruúrval hjá okkur næstu vikur og mánuði og hvetjum ykkur til að fylgjast vel með,“ segja Alexandra Helga og Móeiður á heimasíðu verslunarinnar.
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
félags- og fjölskylduráðgjafi svarar spurningum lesenda
Klínískur félagsráðgjafi hjá Lausninni
svarar spurningum um lögfræðileg mál