Andrea Röfn Jónasdóttir athafnakona og eiginmaður hennar Arnór Ingvi Traustason knattspyrnumaður fengu boð í formlegan kvöldverð hjá sænsku konungshöllinni. Kvöldverðurinn var haldinn vegna heimsóknar Höllu Tómasdóttur forseta Íslands og eiginmanns hennar Björns Skúlasonar.

Klæðaburður Andreu og Arnórs var hinn glæsilegasti. Andrea var klædd í síðan, ljósan silkisatínkjól, hárið var greitt aftur og hvítir eyrnalokkar stóðu út úr. 

Arnór var klæddur í svört kjólföt, hvíta plíseraða skyrtu, hvíta silkislaufu og svarta lakkskó.

Hjónin eru búsett í Norrköping í Svíþjóð þar sem hann spilar fótbolta.

Andrea deildi mynd af þeim fyrir utan höllina á Instagram. 

„Mikill heiður að fá boð í konunglegan galakvöldverð í sænsku konungshöllinni í tilefni af opinberri heimsókn forseta Íslands, Höllu Tómasdóttur, til Svíþjóðar,“ skrifaði hún. 

 https://www.mbl.is/smartland/tiska/2025/05/06/halla_klaeddist_ljosri_pilsdragt_i_svithjod/

Tengdar fréttir

Fatastíllinn

Katrín sló í gegn með eyrnalokka Díönu prinsessu

• „Ég er alltaf að setja mig í yfirhafnabann“
• Steldu stílnum af Þorgerði Katrínu
• Halla treystir á pallíetturnar enn og aftur
• Gefa hverjum gesti auðmannagleraugu

» Fleiri tengdar fréttir

• Blogga um frétt