Kærustuparið Helgi Hrafn Gunnarsson og Eva Pandora Baldursdóttir eru trúlofuð. Hann bað hennar og hún sagði að sjálfsögðu já. 

„Eftir ævintýralega skemmtisiglingu um Miðjarðarhafið nutum við Helgi Hrafn dagsins í Róm þar sem hann fór á skeljarnar og því góða boði var ekki hægt að neita,“ segir Eva Pandora á samfélagsmiðlum og sýndi ljósmynd af trúlofunarhringnum.

Helgi Hrafn og Eva Pandora, sem eru bæði fyrrverandi þingmenn Pírata, fundu ástina í leigubíl í desember 2022 þegar þau tóku saman leigubíl eftir árshátíð fyrrverandi þingmanna. Hann sat á þingi 2013-2016 og svo aftur á árunum 2017-2021. Hún sat á þingi 2016-2017. 

Frétt af mbl.is

Eva Pandora og Helgi Hrafn fundu ástina í leigubíl

Eva Pandora er nú í Viðreisn en á flokksþingi sem haldið var í september keypti Helgi Hrafn flíspeysu Daða Más Kristóferssonar fjármálaráðherra sem boðin var upp á viðburðinum. 

Hér er Helgi Hrafn Gunnarsson í góðum fíling heima hjá sér í gulum Ikea-stól í flíspeysunni hans Daða Más Kristóferssonar. Samsett mynd

Smartland segir bara eitt! Til hamingju með ástina Helgi Hrafn og Eva Pandora og minnir á að flíspeysan hans Daða Más eru ekki spariföt og ganga ekki sem klæðnaður í tilvonandi brúðkaupi.

Frétt af mbl.is

Helgi Hrafn í 50 þúsund króna flíspeysu Daða Más

Tengdar fréttir

Brúðkaup

Guðný Björk og Jóhann Valur trúlofuð

• Ómar og Eva giftu sig og gerðu kaupmála
• Maríanna og Dommi ástfangin í París
• Linda og Björgvin: „Ástin spyr ekki um aldur“
• „Ég sá hana fyrst í gegnum gægjugatið á hurðinni“

» Fleiri tengdar fréttir

• Blogga um frétt