Vikan á Instagram var ansi öflug og lífleg!
Útlönd, djamm, rækt og afslöppun einkenndu færslur íslenskra áhrifavalda síðustu daga.
Leikarinn Mikael Kaaber og tónlistar- og athafnamaðurinn Aron Can sýndu magavöðvana, Ragnheiður Júlíusdóttir kíkti í Clarins-boð, Helgi Ómarsson spókaði sig um í „Stóra eplinu“ og Rúrik Gíslason sólaði sig á Marbella.
Ragnheiður Júlísudóttir geislaði eins og sólin í Clarins-boði sem haldið var í vikunni. Hér er hún með Agnesi Björgvinsdóttur en saman mynda þær ómótstæðilega heild. Sannarlega algerar skvísumæður!
Heiðdís Rós Reynisdóttir förðunarfræðingur sagði frá því að það væru sex ár frá því að hún hefði sloppið úr ofbeldissamandi. Sem betur fer komst Heiðdís á betri stað og lifir góðu lífi á Miami.
Áslaug Arna Sigurbjörnsdóttir tók þátt í fimm kílómetra hlaupi í New York, þar sem hún lenti í smá óhappi og þurfti að kíkja í sjúkratjaldið. Hún endaði á að klára hlaupið og birti mynd af sér með medalíuna.
Mikael Kaaber sem fer með hlutverk Christians í söngleiknum Moulin Rouge í Borgarleikhúsinu birti myndir úr búningsherberginu.
Helgi Ómarsson, ljósmyndari og samfélagsmiðlastjarna, átti góða daga í „Stóra eplinu“.
Söngkonan Svala Björgvinsdóttir tók sig vel út í skreyttum samfestingi.
Júnía Lín Hua Jónsdóttir, fiðluleikari og listrænn stjórnandi, gaf innsýn í líf sitt síðustu daga.
Súperstjarnan Rúrik Gíslason skellti sér til Marbella á Spáni til að bæta á D-vítamínbirgðirnar.
Fanney Dóra Veigarsdóttir brá sér í betri fötin.
Tónlistar- og athafnamaðurinn Aron Can Gültekin tók vel á því í ræktinni.
Ása Steinars, ferðaljósmyndari og samfélagsmiðlastjarna, greindi frá nafni nýja fjölskyldumeðlimsins.
Hafþór Júlíus Björnsson ásamt eiginkonu sinni Kelsey Henson og syni þeirra endurgerði skemmtilega fjölskyldumynd.
Jón Gnarr, leikari og þingmaður Viðreisnar, var ansi hrifinn af bílunum í Japan.