Gallabuxur gegn appelsínuhúð?

Lizzie Jagger í nýju gallabuxnaauglýsingunum frá Wrangler.
Lizzie Jagger í nýju gallabuxnaauglýsingunum frá Wrangler.

Lizzie Jagger situr fyrir í nýjum auglýsingum Wrangler gallabuxnaframleiðandans. Í auglýsingunum klæðist hún gallabuxum sem einnig eiga að vera þeim kostum búnar að draga úr líkum á appelsínuhúð.

Fyrrnefndar buxur, sem fást í þremur útgáfum, sækja eiginleika sína til efnaformúlu sem úðað hefur verið inn í þær við framleiðsluna og gefur húðinni raka. Efnaformúlan dregur virkni sína frá náttúrulegum olíum, s.s. sem úr apríkósukjörnum, ástríðualdinum og rósablöðum. 

Áhrif efnaformúlunnar virka í allt að 15 daga að sögn framleiðandans segir á vef The Telegraph en hægt er að framlengja þau með því að kaupa þar til gert sprey. Með því móti helst virkni formúlunnar lengur eða í á milli 67 og 95 þvotta.

Verður áhugavert að fylgjast með hvernig þetta nýjasta útspil gallabuxnaframleiðandans mælist fyrir en því er ekki að neita að um algjöra nýjung í tískugeiranum er að ræða. Þarf ekkert að vera að hún þessi virki neitt síður í baráttunni við hina þrautseigu appelsínuhúð en öll kremin þarna úti!

Fyrir þær sem hafa áhuga á að sannreyna vöruna verða buxurnar til sölu á vef asos.com frá og með 28. janúar næstkomandi, fyrir 85 pund stykkið.

mbl.is