Í kjól frá 2007

Nicole Kidman í kjól frá Dolce & Gabbana sem er …
Nicole Kidman í kjól frá Dolce & Gabbana sem er úr haustlínunni 2007.

Leikkonan Nicole Kidman er nú aldeilis að fara vel með peningana sína þessa dagana og nýtir hverja flík sem hún kaupir sér. Hún mætti í sjö ára gömlum kjól á Alþjóðlegu kvikmyndahátíðina í Shanghai um helgina.

Kjóllinn er frá ítalska tískuhúsinu Dolce & Gabbana og er úr haustlínunni 2007. Einhverjir myndu nú kannski ekki láta sjá sig í fötum síðan fyrir hrun en Kidman er nú ekki að spá í því.

Leikkonan geislaði í kjólnum sem er klæddur endalausum gimsteinum og afar fallegur. Þetta sannar að klassísk og góð hönnun fer nú aldrei úr tísku enda má nota svona fínerí aftur og aftur.

Nicole Kidman í kjól frá Dolce & Gabbana frá því …
Nicole Kidman í kjól frá Dolce & Gabbana frá því 2007. mbl.is/AFP
Kjóllinn er afar fallegur og fer leikkonunni vel.
Kjóllinn er afar fallegur og fer leikkonunni vel. mbl.is/AFP
mbl.is