Haldið ykkur - Crocs eru komnir í tísku

Crocs skór hafa löngum þótt vera ættaðir frá djöflinum sjálfum. Nú eru þeir komnir í tísku og geta allar Crocs túttur landsins glaðst innilega. 

Crocs elskandi einstaklingar hafa haldið því fram að þeir hafi aldrei á ævi sinni eignast jafn þægilega skó. Flestir hafa þó haft vit á því að fela ást og flestir hafa kosið að klæðast skónum innandyra. 

Nú er Christoper Kane búinn að frelsa allar heimsins Crocs elskandi konur því hann lét fyrirsætur sínar spranga um tískupallana á þessum umdeildu skóm (ef skó skyldi kalla). Skórnir prýddu tískupallana þegar hann sýndi sumartískuna 2017. 

Nú verður hver að dæma fyrir sig hvort þetta eru góðar fréttir eða slæmar. Og hver og einn verður líka að dæma fyrir sig hvort þessir skór eru fallegir eða forljótir. Smartland ætlar ekki að setjast í dómarasætið að þessu sinni heldu hleypa valdinu yfir til fólksins í landinu.