Skiptu hárinu rétt eftir andlitsfalli þínu

Konur eiga það til að skipta hárinu eins í hvert skipti sem þær greiða það. Sumar gera það ef til vill meðvitað en aðrar ómeðvitað. Hárgreiðslumaður stjarnanna, Jordan Garrett, upplýsti Daily Mail um hvers konar skipting hentar mismunandi andlitsföllum.

Sporöskjulaga andlit

Jessica Alba er ein þeirra kvenna sem er með sporöskjulaga andlit. Konur með þetta andlitsfall komast upp með hvaða skiptingu sem er. Jordan ráðleggur þó þeim sem eru með sporöskjulaga andlit að skipta í miðju þar sem það lengir andlitið.

Jessica Alba virðist með lengra andlit þegar hún skiptir í miðju. mbl.is/AFP

Hringlaga andlit

Konur með hringlaga andlit ættu að skipta í miðju en leikkonan Jennifer Lawrence er ein þeirra sem er með þetta andlitsfall. Með því að skipta í miðju geta konur látið andlitið líta út fyrir vera lengra. Jordan mælir ekki með toppi fyrir konur með hringlaga andlitsfall. 

Jennifer Lawrence er með hringlaga andlit. mbl.is/AFP

Langleitt andlit

Leyndarmálið hjá Söru Jessicu Parker og öðrum með langleitt andlit er að forðast að skipta hárinu í miðju. Jordan mælir með því að konur með þetta andlitsfall ættu að hafa hliðarskiptingu. Flestar konur vilja lengja andlit sinn en því er öfugt farið með konur með náttúrulega langleit andlit.

Sarah Jessica Parker er með langeitt andlit og ætti að hafa hliðarskiptingu að mati Jordans. mbl.is/AFP

Hjartalaga andlit

Ef konur eru með hjartalaga andlit eins og Scarlett Johansson er strangheiðarleg hliðarskipting málið. En þannig er athyglin dregin frá kinnunum.

Scarlett Johansson er alla jafna með hliðarskiptingu. mbl.is/AFP

• Blogga um frétt