Georg prins er eitt þekktasta barn í heiminum í dag en fjölmargar myndir hafa birst af honum síðustu vikur. Það sem vekur athygli er að Georg klæðist stuttbuxum á öllum þessum myndum. Ástæðan er ekki bara gott veður í Evrópu heldur einnig sú að það þykir ekki við hæfi miðað við aldur og stöðu Georgs að hann klæðist síðbuxum.
Georg, sem er þriðji í erfðaröðinni, er alltaf í stuttbuxum og samkvæmt hirðsiðasérfræðingnum William Hanson er líklegt að Georg muni halda áfram að klæðast slíkum buxum í um fjögur ár í viðbót. Í viðtali við Harper Baazar segir Hanson það vera enska hefð að klæða unga pilta í stuttbuxur, síðbuxur eru fyrir eldri menn.
Hanson segir líka að stuttbuxurnar séu merki um hvaða þjóðfélagshópi Georg tilheyrir. „Þrátt fyrir að tímarnir séu (hægt) að breytast eru síðbuxur á ungum pilti talið vera frekar millistéttarlegt – pínu úthverfalegt. Og ekkert aðals- eða konungsfólk með sjálfsvirðingu vill vera talið úthverfalegt. Ekki einu sinni hertogaynjan af Cambridge,“ sagði Hanson.