Ef að þú vilt virðast enn áhrifameiri er frábær hugmynd að skella mörghundruð Swarowski kristöllum á dragtina þína en leikkonan Zendaya er sönnunin fyrir því að það virki vel.
Leikkonan mætti á fögnuð nýjustu útgáfu Variety, þar sem hún sjálf situr á forsíðunni, í tvílitaðri dragt frá Vivietta og vann hjörtu allra.
Með bleik-rauðu dragtinni klæddist hún einföldum skóm frá Ruthie Davis.
Zendaya, sem leikur meðal annars hlutverk í nýjustu Spiderman kvikmyndinni, er þekkt fyrir að fara sínar eigin leiðir þegar það kemur að fatavali og vekur lang oftast mikla lukku fyrir klæðaburð sinn.
Vivietta er ítalskt tískuhús sem að opnaði árið 2009. Vivietta Ponti, hönnuður fatnaðarins sækir innblástur frá köttum, kvenlegum hlutum og bleikum litum.