Þær elstu langflottastar

L'Oreal var með tískusýningu á tískuvikunni í París þar sem engar smástjörnur gengu tískupallinn en leikkonurnar Jane Fonda og Helen Mirren gengu tískupallinn eins og þær hefðu aldrei gert neitt annað. 

Það var ánægjulegt að sjá eldri konur á tískusýningunni en fyrirtæki eiga það til að velja aðallega ungar stúlkur í tískusýningar sínar. Jane Fonda verður áttræð á árinu og Helen Mirren er 72 ára. 

Þó svo að þær Fonda og Mirren séu nokkrum áratugum eldri en hin hefðbundna fyrirsæta þá þýðir það ekki að þær komi ekki jafn vel fyrir á tískupallinum. Þvert á móti báru þær af og má sjá á myndunum að þær geisluðu og hvernig sjálfstraustið skein í gegn.