Katrín hertogaynja mætti á fyrsta opinbera viðburðinn á þriðjudag, eftir að tilkynnt var um óléttu hennar. Biðu margir spenntir eftir að líta óléttustíl hertogaynjunnar augum en Katrín var settlega klædd eins og vanalega.
Mörgum þykir Katrín þó ekki beint klæða sig eftir aldri og má segja að í gær hafi hún dregið fram enn einn ömmukjólinn. Kjóllinn hentaði þó Katrínu vel og hefur mittisbandið líklega heillað óléttu konuna enda kom litla kúlan vel út undir bandinu.
Blái kjóllinn sem Katrín klæddist er frá Temperly London og kostar 795 pund sem eru tæpar 110 þúsund íslenskar krónur.