Katrín hertogaynja mætti með nýja hárgreiðslu þegar hún og eiginmaður hennar, Vilhjálmur Bretaprins, tóku þátt í góðgerðarviðburði sem haldinn var á Paddington-lestarstöðinni í Lundúnum í dag, mánudag.
Eftir langa inniveru er ólétta hertogaynjan loks komin á stjá og hittu hún og Vilhjálmur Bretaprins leikara og aðstandendur nýjustu Paddington-kvikmyndarinnar ásamt börnum sem njóta góðs af góðgerðarfélögum sem þau styðja.
Katrín skartaði ekki bara afar smekklegum bleikum kjól frá Orla Kiely heldur skartaði hún einnig nýrri hárgreiðslu. Styttri lokkar virðast vera að koma inn í vetur og er hertogaynjan að sjálfsögðu með puttana á púlsinum hvað það varðar.