Leikkonan Chloë Grace Moretz mætti í fallegri bleikteinóttri dragt á viðburð í New York á dögunum. Hún fór ekki langt eftir dragtinni en hún kemur úr smiðju tengdamóður hennar, Victoriu Beckham.
Ólíklegt er að margar konur vilji fá dragt frá tengdamóður sinni en þegar tengdamamman er farsæll fatahönnuður horfir öðruvísi við. Við dragtina var Moretz síðan í hvítum látlausum bol rétt eins og Beckham klæddist á tískusýningu sinni í haust.
Stutt er síðan Moretz byrjaði aftur með Brooklyn Beckham, syni Beckham-hjónanna, og má segja að skötuhjúin séu með tískustraumana á hreinu en um daginn klæddu þau sig eins upp og voru bæði í gallajökkum.