Útkoman er misjöfn þegar fólk tekur áhættu í fatavali eins og söngkonan Demi Lovato gerði á dögunum. Söngkonan hefur verið að prófa sig áfram með gallaefnið að undaförnu og hefur hún verið uppnefnd Demin Lovato eftir efninu.
Lovato klæddist tveimur mismunandi galladressum á Jingle Ball-tónleikum í New York og Miami nú í desember. Lovato komst fram hjá tískulöggunum þegar hún klæddist gallabuxum og gallatoppi úr ljósu gallaefni á fyrri tónleikunum.
Það sama var ekki upp á teningnum þegar hún klæddist sérstökum gallaklæðnaði í Miami. Það er aðeins hlýrra í Miami í desember en í New York og því hefur Lovato líklega ekki fundist hún þurfa að klæðast heilum buxum.
Í þetta skiptið var dökkt gallefni fyrir valinu. Lovato var í samfellu og nælonsokkabuxum. Við það var hún síðan í gallajakka og buxnahlífum sem mundu sóma sér vel í villta vestrinu.