Danska konungsfjölskyldan fagnaði nýárinu á nýársdag í sínu fínasta pússi. Spariklæðnaður þeirra er aðeins fínni en sparigalli almennings er. Konurnar mættu með kórónur og vakti kórónan sem Mary krónprinsessa bar athygli.
Kórónan sem Mary bar er yfir tveggja alda gömul samkvæmt People og eru til sögur af henni síðan Napóleon Bónaparte tók sér keisaratign um 1800. Er kórónan skreytt demöntum og rúbínsteinum.
Friðrik krónprins, eiginmaður Mary, bar ekki kórónu en mætti þó með virðulegan fjaðurskreyttan hatt, voru hjónin auk þess orðum skreytt.