Hárið bak við eyra ekki að ástæðulausu

Fjölmargar konur á Golden Globe-hátíðinni greiddu hárið til hliðar til að sýna fallega eyrnalokka sína. Flestar þeirra voru með skiptingu til hliðar við miðju þannig auðvelt var að setja hárið bak við eyra til þess að sýna glingrið.

Við fín tilefni er gaman að draga fram fallega skartgripi og að klippa hárið stutt eða greiða hárið upp er ekki eina leiðin til þess að leyfa eyrnalokkunum að njóta sín. Þessi aðferð stjarnanna að sýna lokkana með slegið hár svínvirkar en greinilegt að slétt slegið hár er á undanhaldi. 

Stjörnurnar áttu það sameiginlegt að skarta stórum eyrnalokkum, margar báru hangandi eyrnalokka á meðan 13 Reasons Why-stjarnan Katherine Langford var með smærri lokka en fleiri. 

Þrátt fyrir að leikkonan Madeline Brewer hafi skipt í miðju var hún með hárið bak við eyra öðrum megin og sást þar í óvenjulegan en afar fallegan lokk sem sem fylgdi lögun eyrans og minnti á slöngu.