Regnhlífahattar í rigninguna

Höfuðföt voru í aðalhlutverki þegar ítalska tískuhúsið Fendi kynnti haust- og vetrartískuna í byrjun vikunnar. Á tískupallinum birtust ekki bara derhúfur og skíðahúfur heldur líka nýstárlegir regnhattar sem gefa gamla sjóhattinum ekkert eftir. 

Töskusýningin var með flugvallarþema þar sem mátti sjá töskur á bretti og fyrirsæturnar báru flestar að minnsta kosti eina tösku, sumar rúlluðu flugfreyjutöskum niður tískupallinn.

Þegar mikill farangur er með í för er ekki endilega laus hönd til að halda á regnhlíf. Því gæti regnhlífahattur frá Fendi komið ferðamönnum og öðrum að góðum notum. Kannski eiga Íslendingar von á því að sjá ferðlanga rölta niður Laugaveginn með slíkan á höfðinu í íslensku rigningunni.