Pilsdragtir samanstanda oft af þröngu pilsi og jakka í dökkum lit. Leikkonan Kate Hudson sýndi það með ljósbleiku leðurpilsdragtinni sinni að pilsdragtir geta verið alls konar.
Hudson mætti í þessari fallegu dragt þegar fatahönnuðurinn Stella McCartney kynnti nýja fatalínu sína. Með í för var móðir hennar, leikkonan Goldie Hawn, sem klæddist svörtum kjól.
Fatnaður Hudson var afar vel settur saman þar sem hvítu skórnir með ökklabandinu pössuðu vel við hvíta skyrtuna. Ljósbleiki liturinn getur verið væminn en efnisvalið tók alla væmni úr litnum. Stutt klipping Hudson fullkomnaði síðan útlitið.