Konurnar völdu buxur á Grammy

Fjölmargar konur völdu að mæta í buxum á Grammy-verðlaunahátíðina sem fram fór við hátíðlega athöfn í New York í gær. Goðsögnin Cyndi Lauper mætti til að mynda í skrautlegri buxnadragt í stíl við hárlitinn sinn. 

Kjólar voru líka fyrirferðamiklir á rauða dreglinum en fáir kjólar tóku þó jafn mikið plass og kjóll Lady Gaga en söngkonan mætti í dramatískum kjól frá Giorgio Armani. Pink mætti líka í kjól frá Armani sem var eins og sniðinn á hana, bleikur og óstýrilátur.