Jerry Hall er ein þeirra kvenna sem hefur sýnt það og sannað að sítt hár er fyrir allan aldur. Frá því hún var kornung og allt til dagsins í dag, hefur hún borið sítt hár eins og engin önnur. Sama á hvað aldri konur eru, þá erum við á því að sítt hár er fallegt.

Ef við viljum hafa sítt hár þá þarf að leggja góða rækt við hárið. Best er að tala við sérfræðing um málið og klippa hárið reglulega en ekki of oft. Eins er mikilvægt að næra hárið vel og bursta reglulega. 

Fyrir þær sem eiga erfitt með millisítt hár, er gott að finna leið til að setja upp hárið á meðan það er að vaxa. Eftir því sem hárið verður síðara, þeim mun fallegra verður uppsetta hárið.

Við mælum með síðu ræktanlegu hári fyrir konur á öllum aldri. Í anda Jerry Hall.