Eitt frægasta barn heims í íslenskri hönnun

Eitt frægasta barn heims, Penelope Scotland Disick, dóttir Kourtney Kardashian, klæðist fötum frá íslenska barnafatamerkinu iglo+indi. Móðir stúlkunnar birti mynd af dóttur sinni á Snapchat en þar er Disick í gervipels sem er úr haust-/vetrarlínu iglo+indi. Gervipelsar hafa sjaldan verið vinsælli en akkúrat núna. 

Kardashian-systurnar kynntust iglo+indi þegar þær tóku upp sjónvarpsþátt á Íslandi árið 2016 og keyptu öll sýnishorn úr jólalínunni það ár. 

Ef marka má klæðaburð eins frægasta barns heims þá er augljóst að þessi íslenska hönnun hefur hitt í mark en línan er hönnuð af Helgu Ólafsdóttur fatahönnuði. Helga var í skýjunum með myndbirtinguna þegar Smartland hafði samband við hana. 

„Það er alltaf gaman þegar fólk sem getur keypt sér hvað sem er kýs að kaupa íslenska hönnun,“ segir Helga.