Hlébarðamynstur og hárbönd voru áberandi þegar Tom Ford kynnti haust- og vetrarlínu sína fyrir árið 2018 í New York á fimmtudaginn.
Jakkar, kjólar, sokkabuxur og töskur voru meðal þess sem mátti sjá í hlébarðamynstri á tískupallinum. Ford lét sér ekki nægja hefðbundinn hlébarðamynsturslit heldur mátti sjá mynstrið í öllum regnbogans litum.
Andi níunda áratugsins sveif yfir vötnum eins og mátti sjá á breiðum og grófum hárböndunum. Fyrirsæturnar skörtuðu ýmist svörtum eða ljósum hárböndum.