Kaia Gerber minnti á gamla forsetafrú

Jeremy Scott tók þá sem fylgdust með sýningu á haust- og vetrarlínu Moschino 2018 í Mílanó á dögunum í ferðalag aftur til fortíðar. Mátti þar til dæmis sjá eina heitustu fyrirsætu í heimi í dag, Kaiu Gerber, en hún minnti helst á fyrrverandi forsetafrú Bandaríkjanna, Jackie Kennedy. 

Í appelsínugulri dragt líktist Gerber Kennedy en Kennedy sem tók reyndar seinna upp eftirnafnið Onassis er þekkt fyrir einstakan stíl. Fyrirsæturnar báru sömu hárgreiðslu og forsetafrúin fyrrverandi var þekkt fyrir. Eins og sjá má á myndunum lítur Gerber út eins og ung Jakie Kennedy. 

Litir voru allsráðandi í línunni sem sótti innblástur í tísku sjöunda áratugsins og klæðnað Jackie Kennedy.