Meghan Markle sinnti í fyrsta skipti opinberlegri skyldu ásamt Elísabetu Englandsdrottningu þegar hún mætti í messu í Westminster Abbey í London. Konurnar í fjölskyldunni, þær Meghan, Katrín, Camilla og Elísabet, mættu allar með hatta eins og vant er að konur í konungsfjölskyldunni geri við hátíðleg tilefni.
Á meðan Katrín, Camilla og drottningin skörtuðu fremur hefðbundnum höttum mætti Meghan með hvíta alpahúfu. Húfan kemur frá Stephen James og smellpassaði við hvítu kápuna frá Amöndu Wakeley en kápan kostar rúmlega 120 þúsund íslenskar krónur.
Á meðan Meghan valdi hvítt og dökkan kjól undir lét Katrín hertogaynja lítið fyrir sér fara komin átta mánuði á leið í dökkbláu en kápan sem hún klæddist er úr smiðju Beulah London samkvæmt People.