Mætti með andlitsfarða á Óskarinn

Leikarinn Daniel Kaluuya var tilnefndur til Óskarverðlaunanna í ár fyrir hlutverk sitt í Get Out. Þrátt fyrir að hann vann ekki mætti hann glerfínn á Óskarinn og rétt eins og konurnar á rauða dreglinum kom hann við í förðunarstólnum áður en hann fór á rauða dregilinn. 

I-d greinir frá því að Kaluuya verið með andlitsfarða frá Fenty Beauty, förðunarlínu söngkonunnar Rihönnu, á Óskarinn. Hann er ekki eina karlkynsstjarnan sem gengur með snyrtivörur frá Rihönnu en leikarinn Ezra Miller skartaði varagloss frá söngkonunni á rauða dreglinum í fyrra. Konur eru oftar uppteknari af því að farða sig en karlmenn sem eru þó að verða stærri hópur á förðunarmarkaðnum en áður var. 

Þekkt er að karlmenn noti anlitsfarða fyrir sjónvarstökur og myndatökur og þar sem hvergi eru fleiri myndavélar en á rauða dreglinum fyrir Óskarinn er kannski ekki skrítið að Kaluuya hafi mætta með farða. 

Sara Clark sem hefur farðað stjörnur á borð við Tom Hiddleston segir í viðtali við Fashion Beans að smá farði geti gert öllum mönnum gott. Á veturn líta margir grámyglulega út og mælir hún því með smá bronzing geli fyrir karla til þess að gefa þeim meiri gljáa. 

Daniel Kaluuya. AFP

• Blogga um frétt