Hefð hefur skapast fyrir því að velja best klæddu konur landsins árlega. Að þessu sinni var valið vandasamt enda fjölmargar íslenskar konur sem bera af þegar kemur að klæðaburði. Eftirfarandi er listi yfir þær sem komust á blað dómnefndar sem skipuð var af ritstjórn Tískublaðs Morgunblaðsins.
Sylvía Erla Melsted, söngkona
Dómnefnd hrósar Sylvíu fyrir að vera frumleg þegar kemur að klæðaburði. Hún er með þroskaðan smekk og mjög listræn þegar hún kemur fram. Falleg og einlæg stúlka.
Helga Ólafsdóttir, eigandi iglo+indi
Helga er alltaf í ljósum einföldum fatnaði, með yndislega fallegt hárið og lítið máluð. Hún er eins náttúrulega og geislandi og hægt er að vera samkvæmt dómnefnd.
Eliza Reid, forsetafrú
Að mati dómnefndar er forsetafrúnni að takast virkilega vel til með klæðaburð í opinberum heimsóknum. Fatasmekkur hennar sem hefur alltaf verið fallegur, er að ná nýjum hæðum. Hún leggur mikið upp úr því að líta vel út í embættinu.
Edda Gunnlaugsdóttir, tískuritstjóri Glamour
Edda er ein af þeim sem eru alltaf fallega klæddar. Hún velur vönduð og klassísk föt með flottu tvisti og er yfirleitt með flotta tösku við sem toppar heildarútlitið.
Snæfríður Ingvarsdóttir, leikkona
Dómnefnd er sammála um að Snæfríður klæðir sig upp á skemmtilega öðruvísi. Eins og í ævintýri þar sem fataskápurinn er búningageymsla leikhúsanna.
Hrafnhildur Hafsteinsdóttir, framkvæmdastjóri FKA
Hrafnhildur er að mati dómnefndar hin íslenska Sophia Loren. Hún klæðir sig í aðsniðin föt til að sýna mjótt mittið og er til fyrirmyndar allan daginn í huggulegum skrifstofufatnaði sem er allt í senn þægilegur og smart.
Fríða Björk Ingvarsdóttir, rektor LHÍ
Dómnefnd telur Fríðu alltaf klassíska og smart, með einfaldan stíl. Hún klæðir sig mikið upp á í tímabilsfatnað sem hún gerir nýtískulegan á sinn hátt. Einföld snið og ljósir tónar eru hennar aðalsmerki.
Karitas Sveinsdóttir, eigandi Haf Studio
Karitas velur sér föt með fallegum formum. Hún er með þennan breska hástéttarstíl sem margar konur eru að reyna að fylgja. Hún velur vandað og fátt í kringum sig og er örugglega ekki að eyða í óþarfa.
Klara Thorarensen, eigandi Heimahússins
Klara nær að klæða sig þannig að hún er alltaf viðeigandi og smart. Hún hefur mjög gott auga fyrir litum og línum og er ekki að ögra með klæðaburði sínum, þrátt fyrir að vera mjög kvenleg og smart.
Saga Sig, ljósmyndari
Dómnefnd segir Sögu eins og sólina, bjarta og ferska. Hún kemur sífellt á óvart og kemur fram við fatnað eins og listmuni. Hún setur föt saman á óvenjulegan en skemmtilegan hátt. Andstæðan við það sem almenningur er að gera.
Birna Rún Gísladóttir, bankastarfsmaður
Að mati dómnefndar er Birna Rún tignarleg líkt og tígurinn. Hún er sexí á sannfærandi hátt og er mikið í leðri og dýramynstri. Úfið hárið og náttúruleg förðun er hennar aðalsmerki.
Erna Hrund Hermannsdóttir, vörumerkjastjóri hjá Ölgerðinni
Dómnefnd var sammála um að hún bæri af hvort sem hún væri í síðkjól á leiðinni í fín boð eða bara í gallabuxum og bol í vinnunni. Hún er hrifin af stórum kápum og fer aldrei út úr húsi nema vera tipp topp.
Ágústa Johnson, eigandi Hreyfingar
Ágústa er flott þegar hún sækir opinberar veislur á vegum utanríkisráðuneytis að mati dómnefndar. Hún er snillingur að finna á sig vel sniðnar gallabuxur og er með svalan stíl. Hún á stórt töskusafn og kann að setja saman einfaldan en töff fatnað.
Ásthildur Sturludóttir, bæjarstóri í Vesturbyggð
Ásthildur er alltaf fallega klædd og gætir þess vel að eiga helst bara vönduð og fín föt. Ljósir tónar eru áberandi í fatastíl Ásthildar og svo er hún stundum eins og fjórða Wathne-systirin í klæðaburði.
Halla Bára Gestsdóttir, innanhúshönnuður
Dómnefnd var sammála um að Halla Bára hefði þetta heillandi og afslappaða yfirbragð sem væri svo eftirsótt.
Heiðrún Lind Marteinsdóttir, framkvæmdastjóri SFS
Dómnefnd var sammála um að Heiðrún Lind legði mikinn í klæðaburð sinn. Hún á gott safn af fallegum jökkum og er alltaf í fallegum skóm og með merkileg veski.
Eva H. Baldursdóttir, fjármálaráðuneytinu
Eva er samkvæmt dómnefnd ekki þessi hefðbundni embættismaður þegar kemur að klæðnaði. Hún er flott vaxin og smávegis rokkari.
Samt er hún með kvenlegan stíl og allt virðist klæða hana vel.