Í stígvélum í stað buxna

Coachella-tónlistarhátíðin stendur yfir í Bandaríkjunum og um helgina kom Beyoncé fram ásamt stöllum sínum úr Destiny's Child. Ef eitthvað er að marka fatnað Beyoncé, Kelly Rowland og Rihönnu um helgina eru stígvél sem ná upp á lærið aðalmálið. 

Frétt af mbl.is

Stígvélin náðu nærri upp að nára

Beyoncé skipti að sjálfsögðu nokkrum sinnum um föt á tónleikunum en fötin komu frá tískuhúsinu Balmain. Kelly Rowland var í eins glitrandi stígvélum og Beyoncé þegar hún og Michelle Williams sungu með henni lög Destiny's Child. 

Michelle Williams var í buxum á meðan Beyoncé og Kelly Rowland voru í stígvélum. skjáskot/Instagram

Beyoncé klæddist síðan svörtum latex-stígvélum sem náðu upp fyrir hné á öðrum tímapunkti á tónleikunum. Dansarar hennar voru einnig í stígvélum en trix Beyoncé er að klæðast samfellu og nælonsokkabuxum.

Beyoncé í klæðnaði frá Balmain. skjáskot/Instagram

Rihanna var líka að vinna með há stígvél á hátíðinni en stígvél hennar voru öllu umdeildari en þau sem Beyoncé var í. Rihanna sást skemmta sér á tónleikum Beyoncé í Ugg-stígvélum frá Y/Project. 

Rihanna. skjáskot/Instagram

• Blogga um frétt