Á laugardaginn veifaði Katrín hertogaynja mannfjöldanum á svölum Buckingham-hallar í rándýrum fatnaði frá Alexander McQueen. Á sunnudaginn var hún hins vegar í kjól á öllu viðráðanlegra verði.
Katrín var í hversdagslegum sumarkjól úr Zöru á pólóleik með fjölskyldu sinni á sunnudaginn en samkvæmt Evening Standard kostaði kjóllinn aðeins 39,99 pund í Bretlandi eða um 5.700 íslenskar krónur. Einnig kemur fram að kjóllinn sé uppseldur en það er ekki í fyrsta skipti sem það gerist.
Í lok maí rauk út annar ódýr sumarkjóll úr Zöru eftir að hertogaynjan hafði sést í honum. Katrín virðist því hafa keypt sér sumardressin hjá spænsku verslunarkeðjunni. Blátt og ódýrt er málið í fæðingarorlofinu hjá Katrínu í sumar.