Stella McCartney hélt fallega garðveislu í Mílanó til að sýna sumarlínu tískuhússins fyrir árið 2019. Garðveislan var haldin rétt við kirkjuna úr „Da Vinci Code“. Katy Perry, Chris Martin, Leonardo DiCaprio og Emma Roberts mættu í veisluna og skoðuðu falleg línuna sem einkenndist af framúrstefnulegum skóm, björtum litum og mynstrum.
Samkvæmt Hollywood Reporter vildi McCartney búa til skemmtilega upplifun með garðveislunni og sýna tískulínu sem leggur áherslu á fallega sníðagerð, herralegan klæðskurð á bæði kynin, prentverk á efni, gróf efni í bland við silki og margt fleira sem einkennir hönnun McCartney.
Línan er sú fyrsta sem hún sýnir eftir að hafa náð aftur ráðandi hlut í fyrirtækinu af stórveldinu Kering núna í mars.
Bresku áhrifin frá „Savile Row“,þangað sem karlmenn fara að láta sérsauma á sig fatnað í London voru einkennandi fyrir herrafatnaðinn. Hönnuðinum þótti takast vel til að blanda því við sportlegt útlit. McCartney hefur 13 ára reynslu af því að starfa með Adidas.
Línan var almenningi sýnileg á Instagram reikningi Stella McCartney. Tískuhúsið er með 5 milljónir fylgjenda á Instagram sem fengu nýjustu línuna í beint í æð áður en fjölmiðlar höfðu tækifæri á að sýna hana.