Það er ekki einfalt að giftast inn í konungsfjölskylduna, en samkvæmt heimildarmanni Daily Mail má Meghan Markle ekki klæðast buxnadragt í konunglegri heimsókn þeirra til Ástralíu og Nýja-Sjálands í haust.
Áður en konungsfjölskyldan ferðast þarf hún að velja fötin sem hún ætla að klæðast, líkt og aðrir ferðalangar. Meghan bar buxnadragt frá Stella McCartney undir eiginmann sinn, Harry bretaprins, sem sagði að hún mætti ekki taka hana með.
Elísabet önnur Bretadrottning er sögð vilja að konurnar í fjölskyldunni klæðist heldur pilsum og kjólum en ekki buxum. Meghan hefur þó brotið þessa reglu oftar en einu sinni en í byrjun mánaðar klæddist hún buxnadragt í heimsókn til Dublin á Írlandi.
„Meghan hefur fengið skilaboð þess efnis að hætta að klæða sig eins og Hollywood-stjarna og fara klæða sig eins og konungborin kona,“ sagði heimildarmaður Daily Mail innan konungshallarinnar.