Tiffany & Co afhjúpaði á dögunum sjálfsala í verslun sinni í Covent Garden í London. Verslunin í Covent Garden opnaði fyrr á þessu ári, en hún er hönnuð með það í huga að veita viðskiptavinum einstaka upplifun. Sjálfsalinn er í einkennislitum skartgriparisans eða fagurblár.
Í versluninni má einnig finna #MakeItPersonal-stöð þar sem viðskiptavinir geta hannað sína eigin skartgripi. Fyrr á árinu málaði Tiffany & Co veggi lestarstöðva og leigubíla í New York-borg í einkennislit sínum til að vekja athygli á nýrri línu sinni, Paper Flowers.