Fegurðarstaðlar 7. áratugsins eiga ennþá við

Margot Robbie fer með hlutverk Sharon Tate í kvikmyndinni One Upon A Time In Hollywood, sem fjallar um Manson morðin á sjöunda áratug síðustu aldar. Kvikmyndin er í tökum sem stendur og birti Robbie mynd af sér í hlutverki Tate. Brad Pitt og Leonardo DiCaprio munu fara með aðalhlutverk í kvikmyndinni. 

Frétt af mbl.is

Pitt og DiCaprio sjóðandi heitir

Robbie er með eindæmum lík Tate, en hún hefur lítið þurft að breyta útliti sínu til að komast í hlutverkið. Það má því segja að fegurðarstaðlar sjöunda áratugsins eigi ennþá við í dag. 

Margot Robbi til vinstri og Sharon Tate til hægri.

Robbie er reyndar þekkt fyrir að vera hálfgert kamelljón en hún á auðvelt með að fara í hin ýmsu gervi. Hún var tilnefnd til Óskarsverðlauna fyrir hlutverk sitt í kvikmyndinni I, Tonya á síðasta ári. Síðastliðin ár hefur hún einnig brugðið sér í hlutverk ofurþrjótsins Harley Quinn í Suicide Squad og Daphne Milne í Goodbye Christopher Robin en allt eru þetta ólík hlutverk.

• Blogga um frétt