Taktu á móti haustinu í valdeflandi peysu

„iglo+indi vill vekja athygli á og efla það góða starf sem er unnið af UN Women. Við höfðum samband við UN Women með þá hugmynd að leiða saman hesta iglo+indi og UN Women á Íslandi. Hugmyndin er að konur styðji við konur en eingöngu konur starfa hjá iglo+indi. UN Women á Íslandi fagnaði þeirri hugmynd, og við ákváðum að hanna peysu fyrir börn og fullorðna í nafni UN Women sem táknar valdeflingu kvenna og stúlkna. Þar sem salan á fyrstu peysunni gekk fram úr björtustu vonum ákváðum við að gera þetta að árlegum viðburði. Við viljum skapa uppbyggilega umræðu um starf UN Women og hvetja tískuunnendur til þess að taka þátt í að styðja við starfið þeirra,“ segir Helga Ólafsdóttir, yfirhönnuður og eigandi iglo+indi, um samstarf fyrirtækisins við UN Women. 

Indíana Svala Jónsdóttir og Helga Ólafsdóttir yfirhönnuður og eigandi iglo+indi.
Indíana Svala Jónsdóttir og Helga Ólafsdóttir yfirhönnuður og eigandi iglo+indi.

Auglýsingastofan Pipar/TBWA á stóran þátt í verkefninu og sköpun herferðarinnar. Einn fremsti ljósmyndar Íslands, Elísabet Davíðsdóttir, myndaði herferðina og fjöldi fólks lagði hönd á plóg. 

„Það er aðdáunarvert hversu margir hafa gefið vinnu sína við undirbúning átaksins og við verðum alltaf þakklátar fyrir það.“

Það má segja að fyrsta peysan, sem kom út í fyrra hafi slegið í gegn þegar hún seldist upp á fimm klukkutímum. Munið þið framleiða fleiri bleikar peysur?

„Við bjuggumst aldrei við þessum viðbrögðum sem við fengum fyrir ári síðan. Við erum mjög þakklátar fyrir stuðninginn. Að þessu sinni þarf fólk þarf að hafa hraðar hendur ef það ætlar að tryggja sér peysu. það verða aðeins fleiri fullorðinspeysur í boði núna vegna þess hve eftirspurnin var mikil fyrir ári. Forsalan fór í gang í vefverslun iglo+indi klukkan 11 í morgun. Við erum svo með partý á fimmtudaginn milli 17 og 19 á Jamie’s Italian á Hótel Borg og verða þá seldar peysur ef einhverjar verða eftir. Þar verður DJ Þura Stína og við hvetjum alla til að mæta og fagna með okkur,“ segir Helga. 

Ljósmynd/Elísabet Davíðsdóttir

Valdir þú bleika litinn?

„Bleikur er uppáhaldsliturinn minn og mér finnst hann svo fallegur fyrir allan aldur og bæði kyn. Mér fannst líka skipta máli að gera eitthvað allt annað en síðast svo að þeir sem keyptu síðast peysu væru spenntir að fjárfesta í nýrri og styrkja gott málefni í leiðinni. Peysurnar eru aftur merktar empwr sem vísar til mikilvægis þess að valdefla konur og stúlkur um allan heim í hvaða aðstæðum sem er, líkt og á flótta.“

Hvað býstu við að safna miklum peningum með þessu?

„Við söfnuðum 2,2 miljónum í fyrra til styrktar griðarstaða fyrir konur á flótta í Afríku og vonumst til að ná jafnvel aðeins meira að þessu sinni. Í ár rennur ágóði peysunnar til neyðarathvarfs UN Women í Balukhali-flóttamannabúðunum í Bangladess. Þar fá róhingjakonur áfallahjálp, öruggt skjól og atvinnutækifæri en þær eru sérstaklega berskjaldaðar fyrir ofbeldi og þora nánast ekki út úr skýlum sínum. 

Nú hafið þið verið mjög sterk á barnafatamarkanum. Kemur ekki til greina að gera fullorðinslínu?

„Vörur iglo+indi eru seldar í yfir 100 verslunum um allan heim, en flestar þessa verslana eru eingöngu að selja barnaföt. Það er ekki í framtíðarplönum að gera heilsteypta fullorðinslínu. Við höfum hins vegar gert eina og eina flík fyrir fullorðna í stíl við barnaflíkur – svokallað „twinning“ hefur alltaf slegið í gegn.“

Nú kemur ný lína í haust. Er barnafatatískan eitthvað að breytast?

„Það sem hefur helst breyst er kauphegðun fólks. Fólk er meðvitaðra um hvar vörurnar eru framleiddar, við hvaða aðstæður og er tilbúnara að borga aðeins meira fyrir flíkur sem eru umhverfisvænni og endast. Okkur þykir gaman hversu oft við fáum oft að heyra um iglo+indi föt sem hafa gengið á milli margra barna og eru samt eins og ný. Flest okkar efni eru úr lífrænni bómull og vörurnar framleiddar í Portúgal í minni verksmiðjum. Sambandið við þær er mjög persónulegt og öll kaup og kjör eru til fyrirmyndar.“

Helga stofnaði iglo+indi fyrir tíu árum. Þegar hún er spurð að því hvernig barnafatatískan hafi þróast á áratug segir hún að margt hafi gerst. 

„Helstu breytingarnar á barnafatatískunni er þær að hönnunin er komin nær fullorðinstískunni. Ég tel að það hafi gerst með samfélagsmiðlum eins og Instagram. Heimurinn er orðinn opnari og auðveldara að nálgast kúnna út um allan heim. Í dag er Instagram okkar helsta markaðstól. Við höfum meðal annars fengið tækifæri til að vinna með fólki sem telst vera miklir tískuáhrifavaldar eins og t.d. stílista barna Beyonce og Jay-Z, Jaime King og Coco Rocha í gegnum Instagram.

iglo+indi var stofnað fyrir tæplega 10 árum nánar tiltekið í vikunni fyrir bankahrunið. Við erum fámennt teymi með endalausan metnað. Við hönnum og framleiðum tvær stórar línur á ári, erum í raun alltaf að vinna með þrjár línur á sama tíma, alla mánuði ársins er mikið í gangi. Við erum búin að hanna 20 línur og framleiða 19, hver lína inniheldur um það bil 150 vörur. Framleiðslan okkar fer öll fram í Portúgal og okkar metnaður er að gæðin verði óaðfinnanleg. Við höfum lagt mikla vinnu í að finna rétta framleiðendur sem að henta gildum fyrirtækisins en um er að ræða lítil fjölskyldufyrirtæki sem sérhæfa sig í að framleiða hágæðabarnaföt. 80% línunnar er úr lífrænni bómull. Við erum í daglegu sambandið við þessa aðila ásamt því að við heimsækjum þá nokkrum sinnum á árin. Í Portúgal er einnig vöruhús iglo+indi en þaðan fara allar vörur sem fara í sölu fyrir utan Ísland en í dag fást vörur iglo+indi í yfir 100 verslunum í yfir tuttugu löndum.“

Ljósmynd/Elísabet Davíðsdóttir
Ljósmynd/Elísabet Davíðsdóttir
Ljósmynd/Elísabet Davíðsdóttir
Ljósmynd/Elísabet Davíðsdóttir
Ljósmynd/Elísabet Davíðsdóttir
Ljósmynd/Elísabet Davíðsdóttir
Ljósmynd/Elísabet Davíðsdóttir
Ljósmynd/Elísabet Davíðsdóttir
Ljósmynd/Elísabet Davíðsdóttir
Undanfarna þrjá áratugi hefur Bangladess hýst róhingjafólk sem sætt hefur ...
Undanfarna þrjá áratugi hefur Bangladess hýst róhingjafólk sem sætt hefur ofsóknum í heimalandinu Mjanmar. Fyrir akkúrat ári, í ágúst 2017, hertust átökin og ofsóknir á hendur róhingjum til muna en róhingjakonur hafa þurft að þola gróft ofbeldi mjanmarska hersins, nánast allar hafa orðið vitni að eða verið beittar grófu kynferðislegu ofbeldi. Í kjölfarið hafa hundruð þúsunda róhingja flúið yfir landamærin til Bangladess.
Ljósmynd/Elísabet Davíðsdóttir
mbl.is

Lilja Björk bankastjóri býr í glæsivillu

05:00 Lilja Björk Einarsdóttir bankastjóri Landsbankans var í fréttum vikunnar eftir að hún fékk hraustlega launahækkun. Lilja Björk býr vel í 108 Reykjavík ásamt eiginmanni og börnum. Meira »

Einkaþjálfari Graham leysir frá skjóðunni

Í gær, 23:30 Ofurfyrirsætunni í yfirstærðinni, Ashley Graham, leiðist á hlaupabrettinu en æfir þó eins og alvöruíþróttamaður.   Meira »

Þetta eru best klæddu konur Íslands!

Í gær, 20:00 Reglulega birtum við lista yfir best klæddu konur landsins. Í ár var leitað til lesenda Smartlands og tilnefndu þeir þær sem komust á lista. Eins og sjá má er listinn fjölbreyttur og skemmtilegur. Meira »

Sindri Sindrason flytur úr höllinni

Í gær, 17:00 Sindri Sindrason sjónvarpsmaður hefur sett sitt fallega einbýli á sölu. Um er að ræða 320 fm einbýli sem byggt var 1985.   Meira »

Fegurð og flottur stíll við Barmahlíð

Í gær, 14:00 Fegurð er orðið yfir þessa 120 fm íbúð við Barmahlíð. Gráir og grænir tónar mætast á heillandi hátt.   Meira »

Hvernig kveiki ég í sambandinu aftur?

Í gær, 10:13 Ég er í vanda stödd. Maki minn sem ég er búin að vera með í fjölmörg ár fer svo mikið í taugarnar á mér núna að ég veit ekki hvernig ég á að haga mér. Innst inni, ef ég gref nógu langt, veit ég að ég elska hann en við erum samt eins og vinir – ekki par. Meira »

Munurinn geysilegur á milli mynda

í gær Það eru ekki allar myndir gjaldgengar á samfélagsmiðlum, eða þannig líður mjög mörgum. Unglingar sem fengu það verkefni að breyta mynd af sér þannig að hún væri tilbúin til birtingar á samfélagsmiðlum breyttu myndunum ótrúlega mikið. Meira »

Var Melania í kápu eða náttslopp?

í fyrradag Melania Trump er oftast í smekklegum og fallegum fötum. Bleika kápan frá Fendi sem frú Trump klæddist í vikunni hefur þó vakið athygli fyrir annað en að vera bara falleg. Meira »

Þórunn Pálsdóttir selur útsýnishúsið

í fyrradag Þórunn Pálsdóttir verkfræðingur og fasteignasali hyggst flytja og er hennar fallega Garðabæjarhús komið á sölu.   Meira »

Giftu sig á rómantískasta degi ársins

í fyrradag Stjörnurnar hafa verið duglegar að gifta sig á Valentínusardaginn en dagurinn virðist þó ekki endilega vera happamerki ef horft er til skilnaða sömu hjóna. Meira »

Ekki gera þessi mistök á litlu baðherbergi

í fyrradag Það er besta ráðið að henda pínulitlum spegli og vaski á fæti á litla baðherbergið. Því minna sem baðherbergið er því dýrmætara er geymsluplássið. Meira »

Dásamlega lekkert einbýli í 101

í fyrradag Við Bauganes í Skerjafirði stendur ákaflega fallegt fjölskylduhús þar sem hver fm er nýttur til fulls.   Meira »

Dreymir um að fara til Mið-Austurlanda

14.2. Friðrika Hjördís Geirsdóttir, eða Rikka eins og hún er kölluð, er umsjónarmaður nýs Ferðavefs mbl.is sem fer í loftið í dag. Meira »

Konan búin að missa kynhvötina

13.2. „Ég veit að kynhvötin getur breyst en hún sýnir engin áform um að takast á við vandamálið. Ég hef boðist til þess að hjálpa en hún sýnir því ekki mikinn áhuga.“ Meira »

„Ég fékk nóg af draslinu“

13.2. „Þegar ég var ófrísk af fjórða barninu (árið 2015) fékk ég nóg af magni hluta á heimilinu okkar. Ég hreinlega hringsnerist í kringum sjálfa mig. Við eigum heima í stóru húsi á tveimur hæðum og einhverra hluta vegna var þetta hús yfirfullt af dóti, leikföngum, húsgögnum, þvotti, þvotti og þvotti og öllu því sem „á“ að fylgja stórri fjölskyldu.“ Meira »

Fyrrverandi maður orðinn besta vinkonan

13.2. „Fólk hafði skoðanir á öllu. Eins og til dæmis að það væri undarlegt að hún hefði bara fyrst áttað sig á þessu þegar við vorum úti í Svíþjóð. Að hún hlyti að hafa gert það fyrr, örugglega strax í æsku, bara rétt eins og það vissi miklu betur um hennar líðan en hún sjálf. Að hún hefði örugglega verið í afneitun og bælt þetta niður. Auðvitað veit enginn neitt um þetta nema hún sjálf.“ Meira »

5 mistök sem fólk gerir í sykurleysinu

13.2. Júlía Magnúsdóttir heilusmarkþjálfi segir að mistökin geti verið dýrkeypt þegar kemur að sykurleysi því sykurinn sé svo ávanabindandi. Meira »

Allir geta misst æfingataktinn

13.2. Nýverið greindi Elena Arathimos frá því að hún hafi misst taktinn í æfingunum sínum í tvær vikur. Hún byrjaði að borða óhollt, fara seint að sofa og fann fyrir aukinni streitu. Meira »

Klippti toppinn með naglaklippum

13.2. „Ég klippti toppinn minn sjálf með naglaklippum og það var hræðilegt,“ sagði Dakota Johnson sem er þekkt fyrir að skarta frjálslegum toppi. Meira »

Götutískan á tískuvikunni í New York

12.2. Gestir tískuvikunnar í New York mæta ekki í svörtu frá toppi til táar. Konur mæta þó í bleiku eða fjólubláu frá toppi til táar en áberandi litir hafa tekið yfir götur New York-borgar. Meira »

Fæla sterkar konur karlmennina frá sér?

12.2. „Nú nýverið las ég grein þar sem fram kom að karlar vilji ekki sterkar vel gefnar konur sem maka þrátt fyrir að þeir beri mikla virðingu fyrir þeim alla jafna,“ segir Linda Baldvinsdóttir. Meira »