Skjólgott eins og í gamla daga

Ef þú ert eitthvað að velta fyrir þér hausttískunni þá er örlítill leiðarvísir hér. Flauel, ull, rúskinn og leður verða áberandi í vetur.

Sumir tengja flauel við glataðasta tímabil lífs síns, sjálf unglingsárin. Ég tengi því 13 ára gamla ég fermdist í sléttflauelsstuttbuxum sem þóttu klassískar. Síðan þá hefur flauelið aðallega ratað inn á heimilið í formi púða og rúmgafla, en nú er nýtt twist í augsýn.

Flauelið er með endurkomu. Og það er ekki nóg með það heldur er kaðlapeysan líka dottin inn og líka jakkar úr riffluðu flaueli. Í haustlínu Polo Sport frá Ralph Lauren birtist þetta í allri sinni dýrð og maður gerir sér aukaferð í Kringluna til að skoða þetta góss í Mathilda. Næsta skref er líklega að kaupa sér rúskinnsjakka með kögri, setja á sig belti með risasylgju með Íslandi og kaupa sér kúrekaskó/stígvél. Þessi sveitastíll er heillandi og hentar ágætlega við haustlægðirnar. En það er líka hægt að fara með þessa tísku of langt. En hver og einn verður að finna sig. Þetta er nefnilega bæði hlýtt og nokkuð skjólgott. Það er töluvert betra að vera í þessu en í sparikjólum úr sundbolaefni og pleðurjakka.