Elskar þú útivist og ferðalög og lætur veður og vinda ekki stoppa þig? Ef svo er þá ætti þetta að vera eitthvað fyrir þig. Það er nefnilega komin ný lína frá Kari Traa sem fæst í Fjallakofanum. Fötin frá þessu merki eru fræg fyrir að vera falleg og hressandi og lífga svo sannarlega upp á hinn íslenska vetur með sínum fallegu munstrum.
Um er að ræða mjúka og hlýjar „undir“ flíkur sem eru fullkomnar í ferðalagið - eða bara hversdags. Það er alveg hægt að nota föðurlandið frá Kari Traa undir vetrarpilsið eða peysuna við vinnubuxurnar. Fötin frá Kari Traa eru úr 100% merino ull og því bæði mjúk og hlý. Ef þú vilt slá í gegn í réttum helgarinnar þá gæti svona ullarflík kallað á meiri ævintýri.