Samfélagsstjarnan, grínistinn, söng- og leikkonan Naomi Watanabe mætti í sínu fínasta skarti frá Gucci við opnun verslunarinnar í Tókýó.
Það er margt að gerast í tískuheiminum um þessar mundir. Af hverju birtir sem dæmi Gucci mynd af grínistanum sem stundum er kölluð japanska Beyoncé? Af því að hún er með 8 milljónir fylgjenda á Instagram og þykir ein af 25 áhrifamestu stjörnum heimsins á samfélagsmiðlum.
Það er af sem áður var þegar að stóru klassísku tískuhúsin voru einungis fyrir fáa. Nú lifum við á tímum þar sem meira er minna. Bilið á milli fólks er óljósara og auglýsingar koma ekki einvörðungu í gegnum keypt svæði í blöðum.
Sitt sýnist hverjum um þessa þróun en eitt er víst að Watanabe er brjálæðislega lífleg í Gucci og kann að vera allt í senn fyndin, hæfileikarík og skemmtileg. Japanskar konur eru þekktar fyrir að vera með einfaldan og góðan smekk. Watanabe er andstæðan við þetta allt. Sjón er sögu ríkari.