Þrjár kynslóðir í Dolce & Gabbana

Ítalska leikkonan Isabella Rossellini kom fram á tískusýningu Dolce & Gabbana þegar félagarnir sýndu vor- og sumarlínu sína fyrir árið 2019 í Mílanó á dögunum. Dóttir Rossellini, Elettra Rossellini Wiedemann var með henni á tískupallinum og átta mánaða gamall sonur hennar, Ronin. 

Tékkneska ofurfyrirsætan Eva Herzigova er orðin 45 ára en hefur engu gleymt og kom fram í fallegum svörtum kjól. Aðrir kjólar voru flestir mun skrautlegri og sumarlegri eins og Dolce & Gabbana eru þekktir fyrir og er viðeigandi þegar um sumarföt eru að ræða.