Persónulegur stílisti eiginkonu sinnar

Söngvaranum Justin Timberlake er margt til lista lagt en ásamt því syngja og dansa afspyrnu vel ráðleggur hann eiginkonu sinni, leikkonunni Jessicu Biel, þegar kemur að tísku. Í nýju viðtali við People viðurkennir hann að vera sérstakur stílisti eiginkonu sinnar. 

Timberlake segist oft fá Biel til þess að prófa nýju tískustrauma. „Þú ættir að eiga par af Jordan-strigaskóm af því bara,“ segist hann til dæmis segja við Biel. „Ég sé um mikið af skókaupum hennar, ég elska kvenmannsskó,“ viðurkenndi Timberlake. 

Söngvarinn sér kannski ekki um að velja kjólana á hana fyrir rauða dregilinn en hann segist þó passa að hann klæði sig í stíl við eiginkonu sína. Hann líkir klæðaburði við dans, hann sé þar til þess að styðja hana.