Allt um brúðarkjól prinsessunnar

Eugenie prinsessa gekk að eiga unnusta sinn, Jack Brooksbank, í dag. Prinsessan var stróglæsileg í fallegum beinhvítum silkikjól frá Peter Pilato og Christopher de Vos. V-hálsmálið og bróderað efnið settu punktinn yfir i-ið. 

Prinsessan var ekki með neitt slör en í stað þess fengu bæði kórónan og langur slóðinn að njóta sín. Amma Eugenie, Elísabet Englandsdrottning, lánaði prinsessunni kórónuna en hún er frá árinu 1919 og ber nafnið Grenville-kórónan.

Á vef bresku konungsfjölskyldunnar kemur einnig fram að Eugenie hafi unnið náið með hönnuðunum að brúðarkjólnum. Prinsessan er sögð hafa beðið sérstaklega um að hafa kjólinn opinn í bakið en prinsessan fór í skurðaðgerð þegar hún var 12 ára til þess að laga hryggskekkju sem hún var með.