Gerir hverja konu gordjöss

Það lærðu allir eitthvað nýtt í glæsilegu Shiseido-teiti sem haldið var í Makeup-stúdíói Hörpu Kára á dögunum. Förðunarfræðingurinn Natalie Hamzehpour kenndi gestunum réttu trixin.

Vörurnar frá Shiseido eru löngu orðnar heimsfrægar en þær komu á markað 1872. Merkið leggur mikið upp úr því að gera áferð húðarinnar fallegri þannig að kvenpeningurinn líti betur út. Förðunarvörurnar koma svo til hjálpar þegar auka á fegurðina og þokkann. Í boðinu sýndi Natalie þrenns konar mismunandi förðun með haustlitapallettu Shiseido. Pallettan hefur að geyma augnskugga í mjúkum náttúrulegum litum sem auðvelt er að skyggja augnlokið með. Augnskuggar með örlítilli glansáferð eru vinsælir en þeir setja mikinn svip á heildarmyndina. Við örlítið glansandi augnlok eru varirnar málaðar rauðar og jafnvel með dálítið mattri áferð og svo kemur blár augnblýantur og setur punktinn yfir i-ið.