Meghan hertogaynja hóf opinbera heimsókn sína og Harry Bretaprins til Ástralíu á því að klæðast hvítum kjól frá Karen Gee. Ástralska hönnunarhúsið bjóst greinilega ekki við svona mikilli athygli og hrundi heimasíðan eftir að Meghan birtist í kjólnum.
The Sydney Morning herald greindi frá heimasíðuvandamálinu en heimasíðan er nú komin í lag og er hægt að kaupa eins kjól og Meghan klæddist. Reyndar þarf að vera til smá aur í buddunni þar sem kjóllinn kostar 1.800 Ástralíudali eða um 150 þúsund íslenskar krónur.