Ekki er allt sem sýnist á samfélagsmiðlum. Þessi vísa er sjaldan of oft kveðin enda margir sem bera sig saman við óraunsannar myndir á samfélagsmiðlum. Samfélagsmiðlastjarnan Kate Wasley sýndi fram á hversu auðvelt er að breyta myndum á Instagram.
Wasley segir að það taki enga stund að breyta mynd en jafnframt tekur það enga stund að bera sig saman við unna mynd á samfélagsmiðlum. Það gæti verið stellingin en það gæti líka verið myndvinnsluforrit eins og hún notaði og birti myndband af ferlinu á Instagram.
„Allir bera sig saman við aðra á einn eða annan hátt en svo oft er það ekki sanngjarn bardagi. Instagram er ekki raunverulegt líf,“ skrifaði Wesley á Instagram. Hún minnist einnig á það að fólk er oft með verstu myndina af sér í huga þegar það ber sig saman við aðra á netinu.