Tískusýningin sem fólk er búið að bíða eftir fór fram í New York í gær þegar nærfatarisinn Victoria's Secret sýndi nýjustu línu sína. Margar af frægustu fyrirsætum í heimi gengu fáklæddar tískupallinn í hlutverki engla með vængi á bakinu.
Systurnar Bella og Gigi Hadid voru mættar að vanda sem og raunveruleikastjörnusystirin og fyrirsætan Kendall Jenner sem sneri aftur eftir að hafa setið hjá í fyrra. Brasilíska fyrirsætan Adriana Lima var síðan að sjálfsögðu með á tískusýningunni en hún gekk fyrst pallinn árið 1999 aðeins 18 ára.