Margar af skærustu stjörnunum í Hollwyood mætta á galakvöld á sunnudaginn og hituðu upp fyrir Óskarsverðlaunin sem fara fram í byrjun næsta árs. Kjólarnir báru merki um að jólin séu á næsta leiti.
Nicole Kidman mætti til að mynda í bleikum pallíettukjól frá bandaríska merkinu Rodarte. Kjóllinn var einstaklega hátíðlegur og myndi sóma sér vel á jólunum.
Leikkonan Emily Blunt vakti sömuleiðis athygli fyrir glitrandi klæðnað, þó svo fáir myndu vilja keppa um möndluna með bert á milli. Var hún í gylltu síðu pilsi og í stuttum topp í stíl. Fleiri konur voru einnig klæddar eins og jólahátíðin væri gengin í garð þótt enn hafi verið fimm vikur til jóla.