Kóngafólk er þekkt fyrir að klæðast rándýrum merkjavörum, sérstaklega á opinberum vetvangi. Hin smekklega drottning Spánar, Letizia drottning, var hins vegar ekki að flækja málin þegar hún og eiginmaður hennar tóku á móti forsetahjónum Kína í Madríd í vikunni og klæddist kjól frá ASOS.
Kjóllinn sem Letizia klæddist er frá merki netverslunarinnar ASOS og kostar ekki nema 119 dollara eða tæpar 15 þúsund krónur sem er ekki mikið á mælikvarða kóngafólks.
Kjóllinn rauk auðvitað út þegar drottningin birtist í kjólnum og er uppseldur í nær öllum stærðum þegar þetta er skrifað.