Fann kjól Díönu í búð með notuðum fötum

Kjóll sem Díana prinsessa klæddist í opinberri heimsókn í Barein árið 1986 fer á uppboð 10. desember og gæti endað sem jólakjóll konu sem á fulla vasa af seðlum. Núverandi eigandi kjólsins keypti hann fyrir 24 árum á aðeins á 200 pund, eða 30 þúsund krónur, í búð sem selur notuð föt. 

Silkisíðkjólinn hannaði David Emanuel en hannaði einnig brúðarkjól Díönu ásamt fyrrverandi eiginkonu sinni. Í dag metur uppboðshúsið Kerry Taylor Auctions kjólinn á 80 til 100 þúsund pund, rúmlega 12 til 15 milljónir. 

Kjóllinn sem Díana klæddist árið 1986 fer á uppboð í næstu viku. ljósmynd/Kerry Taylor Auctions

Samkvæmt Mirror segist konan hafa vitað að kjóllinn hefði verið í eigu Díönu. Hún segist þó ekki hafa áttað sig á hversu merkilegur hann var fyrr en töluvert seinna. Var konan að horfa á heimildarmynd um Díönu þegar birtist á skjánum. 

Núverandi eigandi kjólsins kom auga á kjólinn þar sem hún vann hlutastarf í búð í Hereford á Englandi sem seldi notuð föt. Ráðskona á sveitasetri í grenndinni gaf kjólinn en vinkona Díönu, Caroline Twiston-Davies bjó þar. Ætlaði konan að nota kjólinn á dansleik en endaði á að hætta við að fara svo kjóllinn hefur líklega ekki verið notaður síðan Díana klæddist honum. 

• Blogga um frétt